運動面臨目前為止最大危機


我整合左出面唔少手足既討點, 睇到政府今次既玩法, ,希望各位唔好嫌長,睇一睇小弟既意見.

1. 政府出手激化勇武行為
2. (加上 臥底搞事令抗爭行為入哂示威者數)
3. 政府已掌握連登帶風向能力
4. 極端化的分化
–>造成和勇分化,落入雨革失敗後塵

解決建議:
1. 降低勇武手段,暫停裝修,減少私了
2. 和理非把握機會,重新進場
3. 抗爭日常化

第1,其實政府今次出招好狠,不惜動用緊急法,一條主權移交後無用過既法律,可以令特首變皇帝既法律,但係同時只用依一條無上法律定立一個執行上有困難既法律。依一個決定,一定會事先中共有哂全盤計劃去present好,中共首肯; 或者中共教路 (唔係林鄭邊有咁撚醒),先可以出緊急法。之前好多輿論都講,出緊急法會令商家佬離場,但好明顯,無論係中共出手托市,定港共同商家佬講掂數,經濟同營商環境上,港共係確保左無事先出緊急法。加上,用一條皇帝法律,只係定一條禁蒙面法,條例一出,大家都有哂各種分析,包括:
1. 勇武出得黎,預左暴動10年
2. 二百萬一齊出黎蒙面,你拉得哂?
3. 病同宗教原因無事,我咪用依d原因走法律罅。

而同時,整個運動既風氣,無論事實,定政府預計,都必然會引致更大既憤怒,然後政府宣佈完緊急法後,當晚,香港十八區開花,極少狗出黎干預,任由示威者封路,裝修,私了。因為喺無狗既情況之下,中前排既 和理非 都會走前左,直播上大家都見到唔少0 gear既手足,幫手拆站,封路,亦有機會令依d走前左既人參與私了,喺好短時間內,和理非走前左,佢地成為左勇武抗爭者,加上黨鐵依兩日收左皮,香港變為 “死城” ,令示威者覺得勝利,或者覺得政府係想攬炒,所以加大馬力,幫政府攬炒。而同樣時間,裝修,私了既行為會爆炸性湧現,令文宣脫節,政府有長時間空窗期,指鹿為馬,放大示威者既 “暴力” 。喺依段文宣跟唔上既情況之下,民眾無法由我地既文宣之中得到正確,或者係修正既資訊 (例如我地誤拆台資既上商)。民眾(包括外國人) 就會認為暴力升級,開始無差別攻擊。淺黃同外國既人未必了解,尤其係美國支持民主人權法案既議員,會開始考慮法案既必要性,Solomon Yue講明,如果示威者無法得到道德高地,法案就好難通過。我地亦無法 對準政權。

第2,喺政府火上加油令示威者憤怒既時候,加上派出臥底煽風點火,事後入哂我地數

上述出現既裝修,私了爆炸性湧現,其實大家都明,亦都講好方向,黑裝修,紅裝飾,但係現場大多數 (我唔係指責所有勇武) 好多時候係有人出手,就會有人跟住行動。如果依個時候,政府再擺個臥底挑起事端,咁岩如果有藍絲出手傷人,咁依下裝修同私了就必然發生,甚至有時口角下都會私了。
當全港各區開花既情況下,唔係每次發生都有傳媒 / 有人揸機影住全個過程 (手足都唔會影住啦當然),就算係臥底做既,都唔會有方法FC。咁大眾得到既資訊就係事後裝修完,同藍絲仆親既相同片。例如: 明明觀塘站無手足放火,第二日會黑哂? 依3日連假就係政府想將依d勇武抗爭最大化既時機。文宣跟唔上,文宣失效既時候,而同時裝修私了又爆炸性出現,正常和理非都未必可能逐單跟番哂既時候,和理非+民眾就會同勇武越走越遠。而1,2 點加埋,政府已經初步分化左和勇,同無效化左我地文宣攻略。

第3,其實大家有無諗過一個可能性,就係連登既輿論,已經喺政府控制之內?

相信大家一開連登,都會睇熱門先,有無諗過,如果政府甚至中共,已經掌握到上熱門既方程式,加上足夠數量既account (P牌/ 非P牌),其實佢地已經可以左右連登既大風向? 大家都有發現,同時都好多人講: 依幾日點解出現咁多極端化和理非同勇武既post? 不論係咪政府初步分化成功,定係佢地喺連登既網絡大軍出手,都不約而同地進一步分化和勇,激化勇武抗爭行為,鼓勵中前和理非走得更前。例如,鼓勵裝修,大幅擴大要裝修店鋪既名單,或者其員工既言論反對示威者就去裝修等等令抗爭運動失焦,即將焦點放在政權以外既位置 (利申番,黑裝修係支持的) ; 而且,大家都有留意到,10.1當日,連登全日被DDOS,但係過左10.1,DDOS既情況大幅減少,簡單黎講,連登已經被對家利用中,去分化和勇。

 

第4,極端化既分化 依道我會分兩點
1. 當勇武手段增加,會壓縮和理非既操作空間。勇武進化,加入勇武既人越黎越多,勇武抗爭手段佔既比重越黎越高,多左勇武當然係好,但係唔好忘記,有一班只係喺無警時份走前左既和理非,佢地未必全部作好被捕既準備,只要依個時候政府第3點所講,再煽風點火,不斷鼓勵勇武,勇武佔比同方式多左,就會同時令和理非既操作空間會變細,因為傳媒焦點永遠都會去左裝修,私了既片段道,和理非既曝光率會低,加埋政府令商場都閂埋,和理非本身用商場去唱歌,㩒飛仔,文宣既手段被阻止。同埋禁蒙面法令和理非走出黎既考慮多左,人鏈之類既活動無辦法再大型地進行。政府喺10.1後都無再出手大規模清連儂場,令和理非產生惰性,唔再出去更新。和理非只係得番大遊行既實際行動選擇。但係大遊行到目前為止,每次都出現兩難,一區vs多區,依度當然又係政府網軍既分化操作之一啦。只要喺大家理性討論時,有人以老豆教仔,自己立場全對既口吻去指責其他人,就又會將討論帶向極端,造成分化。
2. 指責勇武,令抗爭者各行各路,造成割席。當勇武進化,而和理非係一隻更慢既大笨象時,兩者漸行漸遠,就會出現指責。當然,運動前期,對家無咁高章個陣,指責既語氣態度,用字都係有顧及大家。其實講白d,每次活動後都有指責既情況出現,但係大家係從錯誤中學習,只會少數低質既人會人身攻擊。返回今次情況,和勇漸行漸遠,和理非開始唔明,跟唔上勇武既進度,會產生對勇武既不認同,以往一個星期兩日活動,其餘有5日時間發酵,比和理非跟上,但現時已經4日有3日活動,聽日更加有18區開花。和理非脫節將會嚴重加劇。到時,和理非唔會再係核彈都唔割,因為勇武行為本來畫面唔理想,缺乏跟上同討論,和理非依隻大笨象唔會再跟得上,然後割席,甚至唔想再跟。兄弟爬山將名存實亡,勇武會被孤立,然後被政府大圍捕,運動結束,落得雨革既相樣下場。

多謝大家睇到依度先,我建議改善方式分短,中,長期:
解決建議:
4. 降低勇武手段,暫停裝修,減少私了
5. 和理非把握機會,重新進場
6. 抗爭日常化

第1,聽日一定要降低勇武手段,暫停裝修,減少私了
唔好理政府話咩緊急法令我地唔暴力依d廢話喇,聽日降低勇武手段,唔代表我地唔需要和勇同行,我地要時間讓文宣同和理非跟上 (有人話,下星期7日都出黎,有幾難成事,大家冷靜諗諗,佢想要既效果係乜? ) 政府第一日話緊急法可以止暴制亂,其實只係激將法,令你喺第二日全面升級,更加 暴力,佢地就會有藉口繼續分化。我地好明白,要降低勇武手段就好似潑冷水,但係我地面臨既係政府最絕既一步棋,運動最危險既時期,希望勇武手足,可以冷靜地諗諗,聽日絕對唔係end game。聽日如果18區開花,政府順勢話後日停工一日,或者黨鐵,巴士都開唔番,最愛上班既香港人番唔到工,而和理非又跟唔上,最終只會造成割席。我地無必要要全香港被動罷工,因為政府一定同商家佬傾掂數,會喺一段時間,用以上手段結束運動,佢地先肯配合,三日連假都唔開。如果聽日無事發生,急既只會係政府。一急,佢地錯既機會又會大左,我地贏既機會又多左。

第2,和理非要把握機會,重新進場,加大自己喺運動既佔比
正如我第4.2所講,依幾日商場閂左,和理非少左幾個手段進場。商場係我地好重要既抗爭資產,班狗唔夠膽喺商場大開殺戒,和理非入商場唱歌,摺紙,行街,被捕機會十分低,亦係禁蒙面法既bug,喺商場行街戴口罩,大條道理。和理非喺連假過後,重新番入18區商場,製造番好睇d比畫面,讓文宣跟上。講真,大遊行成事機會好低,政府派鬼搞事,封鐵,大搜捕,如非民陣吹雞,二百萬人再次出現既畫面無可能再發生。所以和理非都要喺18區開花,唔單只安全,仲可以接觸更多既人,將淺藍變黃。

第3,要將抗爭日常化
全民口罩日之類無成本,但有象徵意義既手段一定要繼續;
黃懲罰,藍罷食,WhatsGap個APP已經上線,大家可以照住去幫襯,用地圖炮既經濟手段爭取;
出糧換美金,有手足講過如果人數夠多,keep住做,係可以對港元造成壓力
總之要將抗爭日常化,每個人都行多一步!

最尾,不指責不篤灰唔係口號,而應該係呢場運動既精神,有錯要認,有做得唔好既地方要改
但係大家最終目的都係要救返我地既香港,點解成日都要為小事而鬧交?希望大家諗清楚

Ps。文太長,未必每個位都岩,有錯請屌細力d,歡迎討論

 

//

以上內容皆為轉發,資料未經確實,只供備份參考。

上述內容並不代表本站立場

來源:https://lihkg.com/thread/1632540/

運動面臨目前為止最大危機